ពលរដ្ឋថៃបើករថយន្តមកដឹកធ្យូងក្នុងទឹកដីខ្មែរជាន់មីនតោនខូចរថយន្តមួយកំណាត់ក្រោយ
ពលរដ្ឋថៃបើករថយន្តមកដឹកធ្យូងក្នុងទឹកដីខ្មែរជាន់មីនតោនខូចរថយន្តមួយកំណាត់ក្រោយ អ្នកបើកបររបួសស្រាល កម្មករជាខ្មែររបួសធ្ងន់ដឹកទៅព្យាបាលនៅមន្ទីរពេទ្យបង្អែកក្រុងប៉ោយប៉ែត។
បន្ទាយមានជ័យ ៖ ពលរដ្ឋថៃបើករថយន្តមកដឹកធ្យូង ក្នុងទឹកដីខ្មែរជាន់លើមីនតោនខូចរថយន្ត មួយកំណាត់ក្រោយអ្នកបើកបររបួសស្រាល កម្មករជាខ្មែររបួសធ្ងន់ដឹកទៅព្យាបាលនៅមន្ទីរពេទ្យបង្អែក ក្រុងប៉ោយប៉ែតើហេតុការណ៍ផ្ទះមីនតោននេះ បានកើតឡើងនៅវេលាម៉ោង១១និង២០នាទីព្រឹកថ្ងៃទី៤ ខែមេសា ឆ្នាំ២០១៦ នៅចំណុចតំបន់១ ស្ថិតក្នុងភូមិសាស្ត្រ ភូមិចក់ពួក ឃុំស្លក្រាម ស្រុកស្វាយចេក ខេត្តបន្ទាយមានជ័យ។ លោកវរសេនីយ៍ឯក សូ ចាន់ណារី មេបញ្ជាការនគរបាលវរសេនាតូចការពារព្រំដែនគោកលេខ៩១១ បានឲ្យដឹងថា៖ប្រជាពលរដ្ឋថៃឈ្មោះ ឈួ យឿនយ៉ុង ភេទប្រុសអាយុ៦៣ឆ្នាំ នៅភូមិគោកធ្យូង ឃុំគោកធ្យូង ស្រុកគោកធ្យូង ខេត្តស្រះកែវ ប្រទេសថៃ បើកបររថយន្តម៉ាកនីសាន់ មួយបាំងកន្លះ ពណ៌ទឹក ប្រាក់ ។ មុនពេលកើតហេតុពលរដ្ឋថៃរូបនោះ បានបើករថយន្តចូលមកទិញធ្យូងយកទៅលក់នៅប្រទេសថៃ នៅចំណុច កើតហេតុ ពេលនោះរថយន្តបានចូលទៅក្នុងដីឡូត៍មួយកន្លែង ខណៈនោះរថយន្តបានថយក្រោយជាន់ប៉ះ មីនតោននៅសល់ពីសម័យសង្គ្រាមបណ្តាលឲ្យផ្ទុះខូចខ្ទេចរថយន្តមួយកំណាត់ក្រោយ ចំណែកជន ជាតិថៃអ្នក បើកបរវាសនាល្អ រងរបួសស្រាល ចំណែកកម្មករលីធ្យូជាជនជាតិខ្មែរឈ្មោះ វ៉ាន់ សីហា ភេទប្រុសអាយុ២៥ឆ្នាំ នៅភូមិចក់ពួក ឃុំស្លក្រាមស្រុកស្បវាយចេក រងរបួសធ្ងន់ ដឹកទៅព្យាបាលនៅមណ្ឌលសុខភាពអូរបីជាន់ បន្ទាប់មកគ្រូពេទ្យនៅទីនោះ ឲ្យបន្តដឹកទៅព្យាបាលនៅមន្ទីរពេទ្យបង្អែក ក្រុងប៉ោយប៉ែត ព្រោះការរបួសនេះមិនអាចនៅព្យាបាលនៅទីនោះបាន។
ពលរដ្ឋថៃបើករថយន្តមកដឹកធ្យូងក្នុងទឹកដីខ្មែរជាន់មីនតោនខូចរថយន្តមួយកំណាត់ក្រោយ
Reviewed by Unknown
on
11:11:00 AM
Rating:
Reviewed by Unknown
on
11:11:00 AM
Rating:
No comments: