សុខ មុនីរក្សា ក្តៅស្លឹកត្រចៀក ជំនួសប្អូនស្រី និងសុំកុំឲ្យតម្លៃមនុស្ស ត្រឹមសំបកក្រៅ

ភ្នំពេញ៖ តារាសម្តែង និងជាតារាចម្រៀង កញ្ញា សុខ មុនីរក្សា បានចេញមុខប្រតិកម្មតបត និងការចុះផ្សាយព័ត៌មាន ដែលធ្វើការវាយប្រហារទៅលើ កញ្ញា សុខ មុនីពិសី ដែលជាប្អូនស្រីបង្កើត ថាស្លៀកពាក់សិចស៊ី និងធ្វើការវាយ តម្លៃប្អូនស្រីរបស់នាង ត្រឹមសំបកក្រៅ និងត្រឹមសំលៀកបំពាក់ ។

ក្រោយពី កញ្ញា សុខ មុនីពិសី បានរំលេចរូបថតជាច្រើនសន្លឹក បង្ហាញពីការស្លៀកពាក់ ឈុតប៊ីគីនី បង្អួតរាងនៅមាត់សមុទ្រនោះ គឺមានបណ្តាញ សារព័ត៌មានមួយចំនួន បានយករូបរបស់នាង មកចុះផ្សាយ ដើម្បីបង្អួតឲ្យមហាជនបានឃើញ ពីរូបរាងស្រស់ស្អាតរបស់នាង ។

បន្ទាប់ពីមានការចុះផ្សាយ និងមានការរិះគន់ទៅលើ កញ្ញា មុនីពិសី រួចមិនទាន់បានមួយថ្ងៃស្រួលបួលផង តារាចម្រៀង កញ្ញា មុនីរក្សា ជាបងស្រីបានចេញមុខតបត និងប្រតិកម្មជំនួសប្អូនស្រី របស់នាងថា «ពីដំបូងគិតថាមិនអីទេ ឃើញគេចុះព័ត៌មាននិយាយ ពីប្អូនស្រីរបស់ខ្ញុំ តែចុះយូរៗទៅដូចជា ពិបាកអានពិបាកស្ដាប់ណាស់ ព្រោះសរសេរលើសពីការពិត សូមកុំយកមនុស្សពីនាក់ យកមកប្រៀបធៀប ព្រោះជាអ្នកសិល្បៈដូចគ្នាទេ សូមកុំវាយតម្លៃ មនុស្សត្រឹមតែសំបក ក្រៅជាពិសេស លើសំលៀកបំពាក់ ព្រោះមនុស្សម្នាក់ៗ មានតម្លៃមានចំណុចល្អរៀងខ្លួន ហើយមិនមែនចង់ល្បី រហូតដល់ថ្នាក់ស្លៀកពាក់ មិនចេះមើលទីកន្លែងនោះទេ» ។

នៅក្នុងនោះតារាស្រីរូបនេះ បានបញ្ជាក់ពីមូលហេតុ ដែលប្អូនស្រីស្លៀកឈុតប៊ីគីនីថា «ពួកខ្ញុំទៅលេងសមុទ្រ ទៅលេងទឹកមិនមែនទៅលេង ក្នុងវត្តនោះទេ ហើយរាល់ការ comment សូមកុំជ្រុលពេករិះគន់ បែបស្ថាបនាពួកខ្ញុំ អាចទទួលយកបាន តែនេះរិះគន់បែបជាន់បន្លិចតែម្ដង សូមបើកចិត្តបើកបេះដូង អោយតម្លៃអ្នកសិល្បៈផង មិនមែនស្លៀកសិចស៊ីសុទ្ធ តែគេអាក្រក់ទាំងអស់នោះទេ ហើយមុននឹងយករូបគេ ចុះព័ត៌មានសុំមេត្តា សុំការអនុញ្ញាតពីសាមីខ្លួនគេផង »៕ ប្រភព ៖ Khmerload

ប្រភព ៖ ដើមអម្ពិល

ភាគច្រើនតារាសម្តែងស្រី សុខមុនី្ន ពិសី ធ្លាប់តែស្លៀកពាក់ជិតលើជិតក្រោម ពេលចូលរួមកម្មវិធីនានា ដែលកម្រឃើញនាងស្លៀកស៊ិចស៊ីដូចតារាដទៃទៀត។ តែស្រាប់តែថ្មីៗ នាងបានធ្វើឲ្យអ្នកគាំទ្រ ស្ទើរភ្លឹក ពេលឃើញស្លៀកឈុតបីគីនី។

តារាស្រីរូបនេះ បានបង្ហាញរូបរាងដ៏ស៊ិចស៊ី ដើរកាច់រាងបង្អួតសម្រស់នៅកោះរ៉ុង ដែលហាក់ដូចជាមិនខ្វល់ខ្វាយ ពីក្រសែភ្នែកបុរសៗដែលលួចសំលឹងមើលនាងឡើយ។

ជាមួយនឹងឈុតបីគីនី រំលេចដោយពណ៌ឆើត អមជាមួយនឹងរូបរាងស្រឡូនរបស់មុនី្ន ពិសី បានធ្វើឲ្យអ្នកគាំទ្រ ភ្ញាក់ផ្អើល និងមិននឹកស្មានថា រូបនាងហ៊ានបញ្ចេញសាច់ខ្ចីដែលភាគច្រើន ធ្លាប់តែឃើញនាងស្លៀកពាក់សុភាពៗសោះ។ តែទោះជាយ៉ាងណាក៏មានមតិភាគច្រើន បានសរសើរពីស្ទាយលេងខ្លួនបែបអ៊ឺរ៉ុបរបស់នាងផងដែរ ពេលដើរកម្សាន្តតាមតំបន់មាត់សមុទ្របែបនេះ៕