ល្បីម៉ៅ ហាជី មានស្រីថ្មីទ្រព្យស្តុក ភ្លេចប្រពន្ធកូន
បាត់ដំបង: ភាពស្ងប់សុខ ទើបបានមួយខ្យល់ពីអាស្រូវព័ត៌មានបណ្ដឹងរបស់ក្រុមហ៊ុនហង្សមាស ដោយចោទរំលោភកុងត្រា កម្មវិធី Cambodian Idol លោក ម៉ៅ ហាជី លេចឮដំណឹងលែងប្រពន្ធដែលជាអ្នកចម្រៀងអ័រកេះនៅឯស្រុកកំណើតដែលបានរួមបង្កើតតំណក់ឈាមកូនប្រុសម្នាក់វ័យ ៥ ឆ្នាំ ភ្លេចអនុស្សាវរីយ៍កម្សត់ទៅលង់ស្នេហ៍ស្រីថ្មី មានទ្រព្យស្តុក បង្កឲ្យផ្អើលពេញពិភពសិល្បៈ។
មួយរំពេច ក្រោយបរាជ័យលើកពាន Cambodian Idol ដែលមហាជនភាគច្រើន ហាក់មានទំនុកចិត្ត អតីតបេក្ខភាពវគ្គផ្ដាច់ព្រ័ត្ររូបសង្ហា អត់មានយីអ៊ុនទទួលជយលាភីមកពីបាត់ដំបង លោក ម៉ៅ ហាជី ក៏ល្បីភ្លែតថា លោកត្រូវបានផលិតកម្មថោន ប្រជែងហៅចុះកុងត្រាធ្វើជាតារាចម្រៀងពេញសិទ្ធិ បង្កឲ្យឆេះដុំដល់ម្ចាស់កម្មវិធី Cambodian Idol ពីក្រុមហ៊ុនហង្សមាសភ្លាមៗ ដែលប្រកាសជាសាធារណៈតាមទូរទស្សន៍ហង្សមាសប្តឹង ទាំងសាមីខ្លួន និងក្រុមហ៊ុនដែលទទួល ម៉ៅ ហាជី ទាំងដឹងថា បុគ្គលម្នាក់នេះនៅជាប់កុងត្រាជាមួយកម្មវិធី Idol។
ខណៈដែលសង្គ្រាមពាក្យសម្ដីរវាងដំរី (ហង្សមាស) និងស្រមោច (ម៉ៅ ហាជី) ទើបបានស្ងប់រលត់ទាំងមិនទាន់ឃើញមានលទ្ធផលចាញ់ឈ្នះផង អតីតបេក្ខភាព Cambodian Idol ម៉ៅ ហាជី ដែលក្លាយជាតារាចម្រៀងក៏មានទីផ្សារគួរសមនោះ បែរជាផ្ទុះព័ត៌មានអាស្រូវលែងលះប្រពន្ធកូន ទាំងធ្វើឲ្យអ្នកគាំទ្រជាច្រើនពោលហួសចិត្តថាបានល្បីបន្តិចក៏ភ្លេចកំណើត បំភ្លេចអនុស្សាវរីយ៍កម្សត់។ប្រភពពីអ្នកខេត្តបាត់ដំបង បានអះអាងថា៖ «ម៉ៅ ហាជី ពិតជាមានប្រពន្ធ និងមានកូនប្រុសម្នាក់សព្វថ្ងៃអាយុចូល ៥ ទៅ ៦ ឆ្នាំមែន»។
ប្រភពដដែលបន្ថែមថា ស្រីមុំ ប្រពន្ធ ម៉ៅ ហាជី ជាអ្នកចម្រៀងតាមអកកេះនៅបាត់ដំបងជាមួយគ្នា ប៉ុន្តែនាងមានរូបសម្រស់មិនសូវស្អាត។ ពីអ្នកខេត្តបាត់ដំបងរូបនេះ បង្ហើបថា៖ «ពួកគេស្រឡាញ់គ្នាចិត្ត និងចិត្ត។ ហាជី និងស្រីមុំ ឮថា ពួកគេបានលែងលះគ្នា ទើបតែរយៈពេលជាងមួយខែនេះទេ។ ក៏នៅមិនដឹងថា ស្នេហ៍ដែលកើតឡើងដោយចិត្តនេះ បែកគ្នាដោយកំហុសអ្វី ភាគីស្រី ឬប្រុសខុសឲ្យប្រាកដនោះឡើយ»។
ដោយឡែក ព័ត៌មានដែលកំពុងតែសាយភាយពីអតីតបេក្ខភាព Cambodian Idol រូបសង្ហា ម៉ៅ ហាជី លែងលះប្រពន្ធ ទាំងមុននេះមិនធ្លាប់ថា មានប្រពន្ធនោះថា រឿងនេះជាចេតនា ហាជី ព្រោះល្បីថា ម៉ៅហាជី ពេលនេះក៏មាននារីថ្មីស្រឡាញ់យល់ចិត្ត ដែលមានរូបសម្រស់ស្រស់ស្អាត និងទ្រព្យស្តុកទៀតផង។
ប៉ុន្តែយ៉ាងណា នៅមិនទាន់មានការបកស្រាយបញ្ជាកពីអតីតបេក្ខភាព Cambodian Idol រូបនេះនៅឡើយទេ ខណៈលេខទូរស័ព្ទធ្លាប់ទំនាក់ទំនងត្រូវបានស្រ្តីម្នាក់ទទួលជំនួសដោយឆ្លើយថា៖ «ខ្ញុំមិនដែលស្គាល់ ម៉ៅ ហាជី ជាអ្នកណាឡើយ។ នេះជាលេខទូរស័ព្ទរបស់ខ្ញុំ»។
ជាមួយគ្នានេះដែរ ស្រ្តីជាតារាចម្រៀងនៅខេត្តបាត់ដំបង ហើយក៏ធ្លាប់ដើរច្រៀងជាមួយ ហាជី រូបនោះ បញ្ជាក់ប្រាប់ភ្នំពេញប៉ុស្តិ៍ថា៖ «ហាជី ពិតជាមានប្រពន្ធឈ្មោះ ស្រីមុំ ប្រាកដមែន។ ពួកគេក៏បង្កើតបានកូនប្រុសម្នាក់ មុខស្រស់កាត់រក ហាជី អាយុប្រហែលជា ៥ ទៅ ៦ ឆ្នាំហើយ»។អ្នកចម្រៀងធ្លាប់រួមដំបូលនោះបានបន្ដថា៖ «ប៉ុន្តែត្រង់ថា លែងលះគ្នានោះ ខ្ញុំមិនទាន់បានដឹងទេ»៕
ល្បីម៉ៅ ហាជី មានស្រីថ្មីទ្រព្យស្តុក ភ្លេចប្រពន្ធកូន
Reviewed by Unknown
on
8:55:00 PM
Rating:
Reviewed by Unknown
on
8:55:00 PM
Rating:
No comments: